ആലപ്പുഴ മാവേലിക്കരയില്‍ ആറു വയസ്സള്ള മകള്‍ നക്ഷത്രയെ മഴു ഉപയോഗിച്ച് വെട്ടിക്കൊലപ്പെടുത്തിയ കേസില്‍ പ്രതിയായ പിതാവിന്റെ ജാമ്യാപേക്ഷ കോടതി തള്ളി. മാവേലിക്കര പുന്നമൂട് ആനക്കൂട്ടില്‍ ശ്രീമഹേഷിന്റെ (38) ജാമ്യാപേക്ഷയാണ് കോടതി മാവേലിക്കര ജുഡീഷ്യല്‍ ഒന്നാം ക്ലാസ് മജിസ്‌ട്രേറ്റ് ജെഫിന്‍ രാജ് തള്ളിയത്.
കേസില്‍ ദൃക്‌സാക്ഷികള്‍ ഇല്ലെന്നും സാഹചര്യ തെളിവുകള്‍ മാത്രമാണുള്ളതെന്നും ചൂണ്ടിക്കാട്ടിയായിരുന്നു ജാമ്യാപേക്ഷ സമര്‍പ്പിച്ചത്. പ്രതി മകളെ വെട്ടി കൊലപ്പെടുത്തിയതിനൊപ്പം സ്വന്തം അമ്മയെയും ആക്രമിച്ചു എന്ന് പ്രോസിക്യൂഷന്‍ ചൂണ്ടിക്കാട്ടി.
ജൂണ്‍ ഏഴാംതീയതിയാണ് നാടിനെ നടുക്കിയ സംഭവം നടന്നത്. ശ്രീമഹേഷ് ആറുവയസ്സുള്ള മകള്‍ നക്ഷത്രയെ മഴു ഉപയോഗിച്ച് അതിക്രൂരമായി വെട്ടിക്കൊലപ്പെടുത്തുകയായിരുന്നു. നിലവിളികേട്ട് ഓടിയെത്തിയ അമ്മ സുനന്ദയെയും ഇയാള്‍ വെട്ടിപരിക്കേല്‍പ്പിച്ചിരുന്നു.
English Summary: nakshatra murder case father sreemahesh denied bail
You may also like this video
