ദേശീയപാത വികസന ജോലികൾക്കിടെ ജലവിതരണ പൈപ്പുകൾ പൊട്ടുന്നത് സമയബന്ധിതമായി പരിഹരിക്കാൻ നടപടി സ്വീകരിക്കുമെന്ന് കൃഷി വകുപ്പ് മന്ത്രി പി പ്രസാദ് പറഞ്ഞു. ചേർത്തല മണ്ഡലത്തിലെ വികസനപ്രവർത്തനങ്ങളുമായി ബന്ധപ്പെട്ട് കളക്ടറേറ്റ് കോൺഫറൻസ് ഹാളിൽ മന്ത്രിയുടെ അധ്യക്ഷതയിൽ ചേർന്ന അവലോകന യോഗത്തിൽ ഇതു സംബന്ധിച്ച് ദേശീയപാത വികസന അതോറിറ്റിക്ക് മന്ത്രി നിർദേശം നൽകി. പ്രധാന ജലവിതരണ പൈപ്പുകൾ മാറ്റിയിടുന്ന കാര്യത്തിൽ സർക്കാർ തലത്തിൽ തീരുമാനമെടുക്കും. നെടുമ്പ്രക്കാട് വിളക്കുമരം പാലം, മിനി സിവിൽ സ്റ്റേഷൻ, തങ്കി റോഡ്, സെന്റ് മേരീസ് പാലം തുടങ്ങി വിവിധ നിർമാണഘട്ടങ്ങളുടെ പുരോഗതി യോഗത്തിൽ വിലയിരുത്തി. ജില്ല കളക്ടർ ഹരിത വി കുമാർ, ജില്ലാ പഞ്ചായത്ത് വൈസ് പ്രസിഡന്റ് എൻ എസ് ശിവപ്രസാദ്, വിവിധ വകുപ്പ് മേധാവികൾ തുടങ്ങിയവർ പങ്കെടുത്തു.
English Summary: National Highway Development; Minister P Prasad said that the burst pipe will be resolved in time