കേന്ദ്ര ട്രേഡ് യൂണിയൻ സംഘടനകൾ പ്രഖ്യാപിച്ച ഫെബ്രുവരി 23,24 തീയതികളിലെ പണിമുടക്ക് വിജയിപ്പിക്കുന്നതിനും ക്യാമ്പയിനുകൾ തീരുമാനിക്കുന്നതിനുമായി സംയുക്ത ട്രേഡ് യൂണിയൻ സംസ്ഥാന കൺവെൻഷൻ ചേരും. ഈ മാസം 19 ന് രാവിലെ 10 ന് എറണാകുളം ടൗണ്‍ ഹാളിലാണ് കൺവെൻഷൻ.
സംസ്ഥാനത്തെ 23 ട്രേഡ് യൂണിയനുകളെ പ്രതിനിധീകരിച്ചു പ്രതിനിധികൾ പങ്കെടുക്കും. കേന്ദ്ര സംസ്ഥാന സർക്കാർ ജീവനക്കാർ, പൊതുമേഖല സ്ഥാപനങ്ങൾ,ബാങ്ക് തുടങ്ങി വിവിധമേഖലകളിൽ പ്രവർത്തിക്കുന്ന സംഘടനാ പ്രതിനിധികളും കൺവെൻഷനിൽ പങ്കെടുക്കും. ദേശീയ പണിമുടക്ക് കേരളത്തിൽ വലിയ വിജയമാക്കുന്നതിനുള്ള പ്രവർത്തനങ്ങളിൽ എല്ലാ തൊഴിലാളികളും പങ്കാളികളാകണമെന്ന് സംയുക്ത ട്രേഡ് യൂണിയൻ സമിതി ചെയർമാൻ ആർ ചന്ദ്രശേഖരൻ, സെക്രട്ടറി എളമരം കരീം, കൺവീനർ കെ പി രാജേന്ദ്രൻ എന്നിവർ അഭ്യർത്ഥിച്ചു.
ENGLISH SUMMARY:National strike: State convention on the 19th at Ernakulam
You may also like this video
