ക്യാൻസർ രോഗബാധിതയായി 2015ൽ മരണമടഞ്ഞ നവയുഗം സാംസ്ക്കാരികവേദി കേന്ദ്രകമ്മിറ്റി വൈസ് പ്രസിഡന്റ് സഫിയ അജിത്തിന്റെ ഏഴാം ചരമവാർഷികം പ്രമാണിച്ചു നവയുഗം ദമ്മാം മേഖല കമ്മിറ്റി അനുസ്മരണയോഗം സംഘടിപ്പിച്ചു. ദമ്മാം മേഖല പ്രസിഡന്റ് ഗോപകുമാറിന്റെ അധ്യക്ഷതയിൽ ചേർന്ന അനുസ്മരണ സമ്മേളനത്തിൽ നവയുഗം രക്ഷാധികാരിയും, പ്രമുഖ ജീവകാരുണ്യ പ്രവർത്തകനുമായ ഷാജി മതിലകം മുഖ്യപ്രഭാഷണം നടത്തി. സൗദിയുടെ കിഴക്കൻ പ്രവിശ്യയിൽ സഫിയ നടത്തിയ ജീവകാരുണ്യ പ്രവർത്തങ്ങളുടെ ഓർമ്മകൾ അദ്ദേഹം പങ്കുവച്ചു.
നവയുഗം ജനറൽ സെക്രട്ടറി എം എ വാഹിദ് കാര്യറ, ദമ്മാം മേഖല സെക്രട്ടറി നിസ്സാം കൊല്ലം, കോബാർ മേഖല പ്രസിഡന്റ് ബിജു വർക്കി, വനിതാവേദി സെക്രട്ടറി മിനി ഷാജി എന്നിവർ അനുസ്മരണപ്രസംഗങ്ങൾ നടത്തി. യോഗത്തിനു ശ്രീലാൽ സ്വാഗതവും, തമ്പാൻ നടരാജൻ നന്ദിയും പറഞ്ഞു. നവയുഗം ദമ്മാം മേഖല നേതാക്കളായ സുകു പിള്ള, കോശി, സത്യൻ, സുരേന്ദ്രൻ, ജാബിർ മുഹമ്മദ്, സനൽ കുമാർ, അൽമാസ് എന്നിവർ പരിപാടികൾക്ക് നേതൃത്വം നൽകി.
english summary;Navayugam Dammam Region Memorial Meeting was organized to share the memories of Safia Ajith
you may also like this video;
