സ്വിഗ്ഗി ഡെലിവറി ബോയ്സിന്റെ വേഷത്തിൽ കഞ്ചാവ് വിൽപ്പന നടത്തിയ ഏഴ് പേർ അറസ്റ്റിലായി. കര്‍ണാടകയിലാണ് സംഭവം. 137 കിലോഗ്രാം കഞ്ചാവും ഇവരിൽ നിന്ന് കണ്ടെടുത്തതായി നാർക്കോട്ടിക്സ് കൺട്രോൾ ബ്യൂറോ പറഞ്ഞു. പേപ്പർ പാക്കറ്റുകളിൽ പൊതിഞ്ഞ നിലയിലായിരുന്നു കഞ്ചാവ് കണ്ടെത്തിയത്. മയക്കുമരുന്ന് പോയി വാങ്ങുന്നതിനുപകരം, പ്രവർത്തനരഹിതമായ കടകളുടേയോ മറ്റ് ബിസിനസ്സ് സ്ഥാപനങ്ങളുടേയോ വിലാസം നൽകി ബുക്ക് ചെയ്യുകയായിരുന്നു പതിവ്. ഓണ്‍ലൈന്‍ വഴി ബുക്ക് ചെയ്യുന്നവർക്ക് മയക്കുമരുന്ന് വീടുകളില്‍ ഇവര്‍ മയക്കുമരുന്ന് എത്തിച്ചുനല്‍കും. മയക്കുമരുന്ന്, ഇവ പാക്ക് ചെയ്യാനുള്ള സാമഗ്രികള്‍ എന്നിവയും 4.81 ലക്ഷം രൂപയും ഇവർ സഞ്ചരിച്ച വാഹനത്തിൽ നിന്ന് കണ്ടെത്തി. രണ്ട് ദിവസം മുൻപ് സംഘവുമായി ബന്ധപ്പെട്ട നാല് പേരെ ഹൈദരാബാദിൽ നിന്ന് പിടികൂടിയിരുന്നു.
English Summary: NCB disguises mafia network as cannabis delivery boy disguised as Swiggy delivery boy
You may like this video also
