ഒരു തവണ എവറസ്റ്റ് കീഴടക്കുകയെന്നത് തന്നെ നമ്മള്‍ ഒരോരുത്തരുടെയും സ്വപ്നമാണ്. 26മത്തെ തവണ 8849 അടി ഉയരമുള്ള എവറസ്റ്റില്‍ കയറിയിരിക്കുകയാണ് 46കാരനായ നേപ്പാളി ഷര്‍പ്പ പസങ് ദവ. ഈ നേട്ടം കൈവരിക്കുന്ന ലോകത്തെ രണ്ടാമത്തെയാണ് പസങ്.
ഇമാജിന്‍ നേപ്പാള്‍ ട്രക്ക്സ് എന്ന കമ്പനിയ്ക്ക് കീഴിലാണ് പസങ് ഗൈഡായി ജോലി ചെയ്യുന്നത്. ഹംഗറി പൗരന്റെ സഹായിയായാണ് പസങ് ഇന്നലെ എവറസ്റ്റിന്റെ മുകളിലെത്തിയത്.
കഴിഞ്ഞ വര്‍ഷം മേയിലാണ് നേപ്പാളി ഷര്‍പ്പയായ കാമി രിത 26 തവണ എവറസ്റ്റ് കയറിയെന്ന റെക്കോര്‍ഡ് സ്വന്തമാക്കിയത്. കാമിയും എവറസ്റ്റ് കയറിക്കൊണ്ടിരിക്കുകയാണ്.
467 പേര്‍ക്കാണ് എവറസ്റ്റ് കയറാന്‍ നേപ്പാള്‍ സര്‍ക്കാര്‍ ഇത്തവണ അനുമതി നല്‍കിയിരിക്കുന്നത്. എവറസ്റ്റ് കയറാനെത്തുന്ന ഓരോരുത്തരോടൊപ്പവും ഓരോ ഷെര്‍പ്പമാരുമുണ്ടാകും.
english summary; Nepali Sherpa became the second person in the world to climb Everest 26 times
you may also like this video;
