സർക്കാർ ആശുപത്രിയിൽ നവജാത ശിശുവിന് എലിയുടെ കടിയേറ്റു

ഝാർഖണ്ഡ് ഗിരിദിഹ് സദറിലെ സർക്കാർ ആശുപത്രിയിൽ മൂന്ന് ദിവസം മാത്രം പ്രായമുള്ള കുഞ്ഞിന് എലിയുടെ കടിയേറ്റു. മെയ് രണ്ടിനാണ് സംഭവം. കുഞ്ഞിനെ അത്യാസന്ന നിലയിൽ ധൻബാദിലെ മെഡിക്കൽ കോളജ് ആശുപത്രിയിൽ പ്രവേശിപ്പിച്ചു.

സംഭവത്തെ തുടർന്ന് ജോലിയിലുണ്ടായിരുന്ന രണ്ട് നഴ്സുമാരെ പിരിച്ചുവിടുകയും ഡോക്ടർക്കെതിരെ നടപടിക്ക് ശുപാർശ ചെയ്തിട്ടുണ്ടെന്നും അധികൃതർ അറിയിച്ചു.

ഏപ്രിൽ 29ന് പ്രസവശേഷം ശ്വാസതടസ്സം അനുഭവപ്പെട്ടതിനെ തുടർന്ന് കുട്ടിയെ മോഡൽ മാതൃ-ശിശു ആരോഗ്യ വാർഡിലേക്ക് മാറ്റിയിരുന്നു. കുഞ്ഞിനെ സന്ദർശിക്കാൻ എംസിഎച്ച് വിഭാഗത്തിലേക്ക് പോയപ്പോഴാണ് കുഞ്ഞിന്റെ കാൽമുട്ടിൽ എലികൾ കടിച്ചതിന്റെ ആഴത്തിലുള്ള മുറിവുകൾ മാതാവ് മംമ്തയുടെ ശ്രദ്ധയിൽപെട്ടത്.

സംഭവത്തില്‍ കൂടുതൽ അന്വേഷണം നടത്താൻ ജില്ലാ ഭരണകൂടം പ്രത്യേക സമിതിയെ നിയോഗിച്ചു. കുഞ്ഞിന്റെ ആരോഗ്യനില തൃപ്തികരമാണെന്ന് ഡോക്ടർമാർ അറിയിച്ചു.

Eng­lish summary;Newborn baby bites rat at gov­ern­ment hospital

You may also like this video;