മഹാരാഷ്ട്രയിലെ ചന്ദ്രപൂരില്‍ ടാങ്കറും ട്രക്കും കൂട്ടിയിടിച്ചുണ്ടായ തീപിടിത്തത്തിൽ ഒമ്പത് പേർ വെന്തുമരിച്ചു. വ്യാഴാഴ്ച രാത്രി 10.30 ഓടെ ചന്ദ്രപൂർ‑മുൾ റോഡിലാണ് അപകടമുണ്ടായത്. ചന്ദ്രാപൂർ, അജയ്പൂരിന് സമീപം മരത്തടികൾ കടത്തുകയായിരുന്ന ട്രക്കുമായി ഡീസൽ നിറച്ച ടാങ്കർ കൂട്ടിയിടിക്കുകയായിരുന്നു. അപകടത്തെത്തുടർന്ന് തീപിടിത്തമുണ്ടായി, ഒമ്പത് പേർ സംഭവസ്ഥലത്ത് വെച്ച് തന്നെ വെന്തുമരിച്ചുവെന്ന് ചന്ദ്രാപൂർ സബ് ഡിവിഷണൽ പൊലീസ് ഓഫീസർ സുധീർ നന്ദൻവർ പറഞ്ഞു.
അഗ്നിശമന സേനാംഗങ്ങളുടെ മണിക്കൂറുകള്‍ നീണ്ട ശ്രമങ്ങള്‍ക്കൊടുവിലാണ് തീ നിയന്ത്രണവിധേയമാക്കാനായതെ ന്നും ഔദ്യോഗികവൃത്തങ്ങൾ അറിയിച്ചു.
English Summary: Nine ki-lled in tanker-truck collision in Chandrapur, Maharashtra
You may like this video also
