ഭൂമി കുംഭകോണവുമായി ബന്ധപ്പെട്ട കള്ളപ്പണം വെളുപ്പിക്കൽ കേസിൽ ജയിലിൽ കഴിയുന്ന ഝാർഖണ്ഡ് മുൻ മുഖ്യമന്ത്രി ഹേമന്ത് സൊരേന് സുപ്രീം കോടതി ഇടക്കാല ജാമ്യം നിഷേധിച്ചു. ലോക്‌സഭാ തെരഞ്ഞെടുപ്പിൽ ഝാർഖണ്ഡ് മുക്തി മോർച്ച(ജെഎംഎം)ക്ക് വേണ്ടി പ്രചാരണം നടത്താനായി ഇടക്കാല ജാമ്യം അനുവദിക്കണമെന്നഭ്യർത്ഥിച്ചാണ് സൊരേന് സുപ്രീം കോടതിയെ സമീപിച്ചത്.
തെരഞ്ഞെടുപ്പ് പ്രചാരണത്തിൽ പങ്കെടുക്കാനായി ഡൽഹി മുഖ്യമന്ത്രി അരവിന്ദ് കെജ്‌രിവാളിന് സുപ്രീം കോടതി ഇടക്കാല ജാമ്യം നൽകിയ കാര്യം ചൂണ്ടിക്കാട്ടിയായിരുന്നു സൊരേന് ഹര്‍ജി നല്‍കിയത്.
ജസ്റ്റിസുമാരായ സഞ്ജീവ് ഖന്ന, ദീപാങ്കർ ദത്ത എന്നിവരടങ്ങിയ ബെഞ്ചാണ് സൊരേന്റെ ഹര്‍ജി പരിഗണിച്ചത്. അറസ്റ്റിനെതിരെ സൊരേന് ഈ മാസം മൂന്നിന് നൽകിയ ഹര്‍ജി ഝാർഖണ്ഡ് ഹൈക്കോടതിയും തള്ളിയിരുന്നു. കേസ് 17ന് വീണ്ടും പരിഗണിക്കും.
English Summary: No bail for Hemant Soren in money laundering case
You may also like this video
