ക്രീം ബണ്ണില്‍ ക്രീമില്ലെന്ന് പറഞ്ഞ് ബേക്കറി ഉടമയുടെ കൈ തല്ലിയൊടിച്ച് യുവാക്കള്‍. മറവന്‍ തുരുത്ത് സ്വദേശികളാണ് ബേക്കറി ഉടമയേയും, ചായ കുടിക്കാനെത്തിയ വൃദ്ധനേയുമടക്കം അഞ്ച് പേരെ മര്‍ദ്ദിച്ചത്. ബുധനാഴ്ച രാത്രിയോടെയാണ് സംഭവം. കടയിലെത്തിയ സംഘം ക്രീം ബണ്‍ ആവിശ്യപ്പെടുകയും. ബണ്‍ നല്‍കിയപ്പോള്‍ അതില്‍ ക്രീമില്ലെന്ന് ആരോപിച്ച് ആദ്യം ബേക്കറി ഉടമയെയും ഭാര്യയെയും മക്കളെയും പരിക്കേല്‍പിച്ചു. തുടർന്ന് ചായ കുടിയ്ക്കാൻ കടയിലെത്തിയ വൃദ്ധനെയും അക്രമിച്ചു. സമീപവാസികള്‍ ചേര്‍ന്നാണ് പരിക്കേറ്റവരെ ആശുപത്രിയിലെത്തിച്ചത്. സംഭവത്തില്‍ പൊലീസ് കേസെടുത്ത് അന്വേഷണം ആരംഭിച്ചു. പ്രതികളെ ഉടന്‍ അറസ്റ്റ് ചെയ്യുമെന്ന് അറിയിച്ചു.
English Summary:No cream in the cream bun; Young men broke bakery owner’s hand
You may also like this video
