പാർലമെന്റ് തെരഞ്ഞെടുപ്പിൽ നേടിയ മിന്നുന്ന വിജയത്തിന്റെ അത്യാഹ്ലാദവും ആഡംബരങ്ങളും ഒഴിവാക്കി ശ്രീലങ്കൻ പ്രസിഡന്റ് അനുര കുമാര ദിസനായകെ പാർലമെന്റിനെ അഭിസംബോധന ചെയ്യാനെത്തി. നാഷനൽ പീപ്പിൾസ് പവർ സഖ്യം (എൻപിപി) നേടിയ ഉജ്വലവിജയത്തിലും മതിമറക്കാതെ, വാഹനവ്യൂഹത്തിന്റെയും ആഘോഷങ്ങളുടെയും അകമ്പടിയില്ലാതെ ഇല്ലാതെയായിരുന്നു അനുരയുടെ വരവ്.
തെരഞ്ഞെടുപ്പ് വാഗ്ദാനങ്ങൾ പാലിക്കുമെന്നും നിയമവാഴ്ച ഉറപ്പുവരുത്തുമെന്നും പ്രഖ്യാപിച്ച അദ്ദേഹം സമ്പദ്‌വ്യവസ്ഥ കടന്നുപോകുന്ന ദുഷ്കരാവസ്ഥയെ കുറിച്ചും സൂചിപ്പിച്ചു. ചടങ്ങിൽ അശോക രൺവാലയെ സ്പീക്കറായും റിസ്‌വി സാലിഹിനെ ഡപ്യൂട്ടി സ്പീക്കറായും തെരഞ്ഞെടുത്തു.