സ്കൂളുകൾക്ക് ശനിയാഴ്ച പ്രവൃത്തി ദിനമാക്കുന്നതിൽ ആര്‍ക്കും എതിര്‍പ്പുള്ളതായി ശ്രദ്ധയില്‍പ്പെട്ടിട്ടില്ലെന്ന് വിദ്യാഭ്യാസമന്ത്രി വി ശിവന്‍കുട്ടി. സര്‍ക്കാര്‍ നിലപാടുകള്‍ വ്യക്തമാണ്. ശനിയാഴ്ച പ്രവൃത്തിദിനമാക്കിയതില്‍ രക്ഷിതാക്കള്‍ക്കും വിദ്യാര്‍ത്ഥികള്‍ക്കും സന്തോഷമാണെന്നും മന്ത്രി മാധ്യമങ്ങളോട് പറഞ്ഞു.
സര്‍ക്കാര്‍ എടുത്ത തീരുമാനം പ്രാവര്‍ത്തികമാക്കിയിട്ടുണ്ട്. അധ്യയന വര്‍ഷത്തെ ആദ്യ ശനിയാഴ്ച പ്രവൃത്തിദിനമായിരുന്നുവെന്നും അദ്ദേഹം പറഞ്ഞു. ഏത് അധ്യാപക സംഘടനയ്ക്കും അവരുടെ അഭിപ്രായം പറയാനുള്ള സ്വാതന്ത്ര്യമുണ്ട്. അവര്‍ അത് പ്രകടിപ്പിക്കുകയും ചെയ്യുന്നുണ്ടെന്ന് മന്ത്രി പറഞ്ഞു.
English Summary: No one objects to making Saturday a working day for schools; Education Minister
You may also like this video
