സംസ്ഥാനത്തെ സ്കൂളുകളിൽ കലാ, കായിക, വിനോദങ്ങൾക്കുള്ള പീരിഡുകളിൽ മറ്റ് വിഷയങ്ങൾ പഠിപ്പിക്കരുതെന്ന് പൊതു വിദ്യാഭ്യാസ ഡയറക്ടറുടെ നിര്ദേശം. ബാലാവകാശ കമ്മിഷന്റെ നിർദേശ പ്രകാരമാണ് പൊതു വിദ്യാഭ്യാസ വകുപ്പ് പ്രത്യേക സർക്കുലർ പുറത്തിറക്കിയത്.
ഒന്നു മുതല് 12 വരെയുള്ള ക്ലാസുകളില് കായിക‑കലാ വിനോദങ്ങള്ക്കുള്ള പീരിഡുകളില് മറ്റ് വിഷയങ്ങള് പഠിപ്പിക്കുന്നതായി ശ്രദ്ധയില്പ്പെട്ടിട്ടുണ്ടെന്നും കുട്ടികളുടെ ഭാഗത്തുനിന്നും പരാതി ലഭിച്ചിട്ടുണ്ടെന്നും ബാലാവകാശ കമ്മിഷന് നേരത്തെ വ്യക്തമാക്കിയിരുന്നു. ഈ സാഹചര്യത്തിലാണ് കലാ, കായിക, വിനോദങ്ങള്ക്കുള്ള പീരിഡുകളില് മറ്റു വിഷയങ്ങള് പഠിപ്പിക്കാന് പാടില്ലെന്ന് പൊതു വിദ്യാഭ്യാസ ഡയറക്ടര് നിര്ദേശം നല്കിയത്.
English Summary: no other subject should be taught during pt periods
You may also like this video
