അമേരിക്കൻ വിസക്ക് പുതിയ നിയന്ത്രണങ്ങൾ ഏർപ്പെടുത്തി ട്രംപ് ഭരണകൂടം. ഹൃദ്രോഗമോ, പ്രമേഹമോ, അമിത വണ്ണമോ ഉണ്ടെങ്കിൽ വിസ നിഷേധിക്കപ്പെടാനാണ് സാധ്യത. യുഎസില് താമസിക്കാന് വിസയ്ക്ക് അപേക്ഷിക്കുന്ന മറ്റ് രാജ്യക്കാര്ക്ക് ആരോഗ്യ പ്രശ്നങ്ങള് ഉണ്ടെങ്കില് അപേക്ഷകള് യുഎസ് കോണ്സുലേറ്റുകള് നിഷേധിക്കുമെന്നാണ് റിപ്പോര്ട്ട്.
പുതിയ നിയന്ത്രണം സംബന്ധിച്ചുള്ള മാര്ഗനിര്ദേശങ്ങള് യുഎസ് സ്റ്റേറ്റ് ഡിപ്പാര്ട്ട്മെന്റ് പുറത്തിറിക്കിയിട്ടുണ്ട്. യുഎസ് കോണ്സുലേറ്റുകളിലേക്കം എംബസികളിലേക്കും ഈ മാര്ഗനിര്ദേശങ്ങള് അയച്ചുകഴിഞ്ഞതായാണ് വിവരം. ഗുരുതര ആരോഗ്യപ്രശ്നങ്ങള് ഉള്ളവര് അമേരിക്കയിലേക്ക് കുടിയേറിയാല് അവരുടെ ചികിത്സാ ചെലവുകളുമായി ബന്ധപ്പെട്ട് ലക്ഷകണക്കിന് ഡോളറിന്റെ ബാധ്യത രാജ്യത്തിന് ഉണ്ടാകുമെന്ന യുഎസ് സ്റ്റേറ്റ് ഡിപ്പാര്ട്ട്മെന്റിന്റെ കണ്ടെത്തലാണ് പുതിയ നിയന്ത്രണങ്ങള്ക്ക് ഇടയാക്കിയിരിക്കുന്നത്. അമേരിക്കയില് താമസമാക്കിയിരിക്കുന്ന ഇന്ത്യക്കാര്ക്ക് പുതിയ നിയന്ത്രണം തിരിച്ചടിയാകും.