തന്നെ കാണാൻ വരുന്നവര്‍ക്ക് പുതിയ നിബന്ധനകളുമായി ബോളിവുഡ് നടിയും ബിജെപി എംപിയുമായ കങ്കണാ റണാവത്ത്. തന്നെ കാണാൻ വരുന്നവർ ആധാർ കാർഡും കൂടിക്കാഴ്ചയുടെ ഉദ്ദേശ്യമെഴുതിയ കുറിപ്പും ഒപ്പം കരുതണമെന്നാണ് നടിയുടെ നിര്‍ദ്ദേശം. മാണ്ഡി നിയോജകമണ്ഡലത്തിലെ ആളുകളോടാണ് തന്നെ കാണാൻ ആധാർ കാർഡുകൾ കൊണ്ടുവരണമെന്ന് കങ്കണ ആവശ്യപ്പെട്ടത്.
‘ഹിമാചൽ പ്രദേശ് ധാരാളം വിനോദസഞ്ചാരികളെ ആകർഷിക്കുന്ന സ്ഥലമാണ്. അതിനാൽ മാണ്ഡി പ്രദേശത്തുള്ളവര്ക്ക് ആധാർ കാർഡ് ഉണ്ടായിരിക്കേണ്ടത് ആവശ്യമാണ്. എന്നെ കാണാൻ വരുമ്പോൾ നിങ്ങൾക്ക് അസൗകര്യം നേരിടേണ്ടിവരാതിരിക്കാൻ നിങ്ങളുടെ ആവശ്യവും കത്തിൽ എഴുതണം’, കങ്കണ പറഞ്ഞു.
തന്റെ പാർലമെന്റ് മണ്ഡലത്തിലെ ജനങ്ങളോട് അവരെ കാണാൻ ആഗ്രഹിക്കുന്നുവെങ്കിൽ അവരുടെ ആധാർ കാർഡ് കൊണ്ടുവരണമെന്ന് ആവശ്യപ്പെടുന്നത് ഉചിതമല്ലെന്ന് കോൺഗ്രസ് നേതാവ് വിക്രമാദിത്യ സിംഗ് വിമർശിച്ചു.
English Summary: Note about meeting and Aadhaar card: Kangana with conditions for those who come to meet
You may also like this video
