മിനിയാപൊളിസിലെ ഇമിഗ്രേഷന് ആന്റ് കസ്റ്റംസ് എന്ഫോഴ്സ്മെന്റ് (ഐസിഇ) വിരുദ്ധ പ്രകടനക്കാർക്ക് യുഎസ് മുൻ പ്രസിഡന്റ് ബരാക് ഒബാമ പിന്തുണ പ്രഖ്യാപിച്ചു. രാഷ്ട്രീയ നിരീക്ഷകനായ ബ്രയാൻ ടൈലർ കോഹനുമായുള്ള അഭിമുഖത്തിലാണ് ഒബാമ മിനിയാപൊളിസിലെ പ്രതിഷേധക്കാരെ അഭിനന്ദിച്ചത്. നസോട്ടയിൽ ഐസിഇ ഏജന്റുമാർ നടത്തിയ അടിച്ചമർത്തലുകളും റെയ്ഡുകളും ‘ഏകാധിപത്യ രാജ്യങ്ങളിൽ’ കാണുന്നതുപോലെയാണെന്ന് അദ്ദേഹം വിമർശിച്ചു.
കൊടും തണുപ്പിലും സമാധാനപരമായി പ്രതിഷേധിച്ച സാധാരണക്കാരുടെ നടപടി രാജ്യത്തിന് പ്രതീക്ഷ നൽകുന്നതാണെന്ന് ഒബാമ പറഞ്ഞു. ആളുകളെ വലിച്ചിഴയ്ക്കുന്നതും ജനക്കൂട്ടത്തിന് നേരെ കണ്ണീർവാതകം പ്രയോഗിക്കുന്നതും പോലുള്ള നടപടികൾ അമേരിക്ക വിശ്വസിക്കുന്ന മൂല്യങ്ങൾക്ക് വിരുദ്ധമാണെന്നും അദ്ദേഹം ചൂണ്ടിക്കാട്ടി. ജനുവരിയിൽ അലക്സ് പ്രെറ്റി, റെനി ഗുഡ് എന്നീ യുഎസ് പൗരന്മാര് ഐസിഇ ഏജന്റുമാരുടെ വെടിയേറ്റ് കൊല്ലപ്പെട്ടത് വൻ പ്രതിഷേധങ്ങൾക്ക് കാരണമായിരുന്നു.