രാധയുടെയും കൃഷ്ണന്റെയും അശ്ലീലചിത്രം വിറ്റെന്നാരോപിച്ച്‌ ഇ കൊമേഴ്‌സ് ഭീമന്‍ ആമസോണിനെതിരെ പരാതി. ബംഗളുരുവിലെ ഹിന്ദു ജനജാഗൃതി സമിതിയാണ് ബംഗളുരുവിലെ സുബ്രഹ്മണ്യനഗര്‍ പൊലീസ് സ്റ്റേഷനില്‍ പരാതി നല്‍കിയിരിക്കുന്നത്. ആമസോണിന്റെ ജന്മാഷ്ടമി വില്പനയിലടക്കം ഈ ചിത്രം വില്പനയ്ക്കുണ്ടായിരുന്നെന്ന് പരാതിക്കാര്‍ ചൂണ്ടിക്കാട്ടി.
ബോയ്‌ക്കോട്ട് ആമസോണ്‍, ബോയ്‌ക്കോട്ട് എക്‌സോട്ടിക് ഇന്ത്യ തുടങ്ങിയ ഹാഷ്ടാഗുകള്‍ ട്വിറ്ററിലടക്കം പ്രചരിക്കുന്നുണ്ട്. ഇന്‍കൊളോഗി സ്‌റ്റോര്‍ എന്ന സെല്ലര്‍ ആണ് ചിത്രം വില്പനയ്‌ക്കെത്തിച്ചത് എന്നാണ് റിപ്പോര്‍ട്ടുകള്‍. എന്നാല്‍ ഈ ചിത്രം ഇപ്പോള്‍ വെബ്‌സൈറ്റില്‍ നിന്നും നീക്കിയിട്ടുണ്ട്. വിഷയത്തില്‍ ആമസോണ്‍ അധികൃതര്‍ ഇതുവരെ ഔദ്യോഗിക പ്രതികരണമൊന്നും നടത്തിയിട്ടില്ല.
English Summary:Obscene image of Radha and Krishna sold; Complaint against Amazon
You may also like this video
