ആഫ്രിക്കയില്‍ നിന്നെത്തിയ ആള്‍ക്ക് ഒമിക്രോണ്‍ സ്ഥിരീകരിച്ചു; മുന്‍കരുതലില്‍ നഗരം

കുവൈത്തിൽ ആദ്യ ഒമിക്രോൺ വൈറസ്​ കേസ് സ്ഥിരീകരിച്ചു. ആഫ്രിക്കൻ രാജ്യത്ത്​ പോയിട്ടുണ്ടായിരുന്ന യൂറോപ്യൻ പൗരനാണ്​ ജനിതക മാറ്റം വന്ന കൊറോണ വൈറസ്​ സ്ഥിരീകരിച്ചത്​. ഇയാൾ രണ്ട്​ ഡോസ്​ വാക്​സിൻ സ്വീകരിച്ചിട്ടുണ്ടായിരുന്നുവെന്ന്​ ആരോഗ്യ മന്ത്രാലയ വക്​താവ്​ ഡോ. അബ്​ദുല്ല അൽ സനദ്​ അറിയിച്ചു. രോഗ ബാധ സ്ഥിരീകരിച്ചതിനെ തുടർന്ന് ഇയാള്‍ ഇപ്പോള്‍ ​നിരീക്ഷണത്തിലാണെന്നും അദ്ദേഹം കൂട്ടിച്ചേർത്തു.

വിവിധ രാജ്യങ്ങളിൽ ഒമിക്രോൺ വൈറസ്​ വ്യാപിക്കുന്ന പശ്ചാത്തലത്തിൽ കുവൈത്ത്​ സാധ്യമായ എല്ലാ മുൻകരുതൽ നടപടികളും സ്വീകരിച്ചിട്ടുണ്ടെന്നും ബൂസ്​റ്റർ ഡോസ്​ ഉൾപ്പെടെ വാക്​സിൻ സ്വീകരിക്കാൻ കുവൈത്തികളും വിദേശികളും മുന്നോട്ടുവരണമെന്നും അധികൃതർ അഭ്യർഥിച്ചു.
Eng­lish summary;Omicron con­firmed by per­son from Africa in kuwait city
you may also like this video;