ഓസ്‌ട്രേലിയന്‍ നഗരമായ സിഡ്‌നിയില്‍ കോവിഡിന്റെ പുതിയ വകഭേദമായ ഒമിക്രോണിന്റെ സാമൂഹിക വ്യാപനം സ്ഥിരീകരിച്ചതായി അധികൃതര്‍ അറിയിച്ചു. ക്വീന്‍സ്‌ലന്‍ഡില്‍ ഒരാള്‍ക്കും ന്യൂസൗത്ത് വെയ്ല്‍സില്‍ കുറഞ്ഞത്15 പേര്‍ക്കെങ്കിലും നേരത്തെ കോവിഡിന്റെ വകഭേദം സ്ഥിരീകരിച്ചിരുന്നു.
സിഡ്‌നിയില്‍ പ്രാദേശികമായിത്തന്നെ അഞ്ചു പേര്‍ക്കു വൈറസ് സ്ഥിരീകരിച്ചതായാണു ഇപ്പോള്‍ പുറത്ത് വരുന്ന റിപ്പോര്‍ട്ടുകള്‍. രണ്ടു സ്‌കൂളുകളില്‍ നിന്നും ഒരു ജിംനേഷ്യത്തില്‍ നിന്നുമാകാം നഗരത്തില്‍ കോവിഡ് വ്യാപിച്ചതെന്നാണ് നിഗമനം.ഇത് സാമൂഹിക വ്യാപനം തന്നെയാണെന്ന് അധികൃതര്‍ അറിയിച്ചു.
ദോഹയില്‍നിന്നുള്ള വിമാനത്തിലെത്തിയ ദക്ഷിണാഫ്രിക്കന്‍ സ്വദേശികളില്‍നിന്നാണ് ഓസ്‌ട്രേലിയയില്‍ വൈറസ് വ്യാപിച്ചത്. ഇതിനു പിന്നാലെ രാജ്യത്തെ വിമാനത്താവളങ്ങളില്‍ അധികൃതര്‍ പരിശോധനയും കര്‍ശനമാക്കിയിരുന്നു.
english summary;Omicron pours fast confirms social expansion, vigilance
you may also like this video;
