ലോകരാജ്യങ്ങളില്‍ കോവിഡിന്റെ ജനിതകമാറ്റം സംഭവിച്ച വകഭേദം ആശങ്ക ഉയര്‍ത്തുകയാണ്. ഇത് അന്താരാഷ്ട്ര തലത്തില്‍ ക്രൂഡ് ഓയിലിന്റെ വിലയെ ബാധിച്ചു. 2020 ഏപ്രിലിന് ശേഷം രേഖപ്പെടുത്തുന്ന ഏറ്റവും കുറഞ്ഞ ഇടിവാണെന്ന് റിപ്പോര്‍ട്ടുകള്‍ക്ക് സൂചിപ്പിക്കുന്നു. ബാരലിന് ബ്രെന്റ് ക്രൂഡ് ഓയിലിന്റെ വില 80 ഡോളറിന് താഴെയെത്തി. ബി.1.1.52 എന്ന കോവിഡ് വകഭേദമാണ് കണ്ടെത്തിയത്. അഞ്ച് ശതമാനത്തോളമാണ് അന്താരാഷ്ട്ര തലത്തില്‍ ക്രൂഡ് ഓയില്‍ ബാരലിന് വിലയിടിഞ്ഞത്.
അമേരിക്ക ഉള്‍പ്പെടെയുള്ള ഉപഭോഗ രാജ്യങ്ങളെ ഏകോപിപ്പിച്ച്‌ യുഎസ് പ്രസിഡന്റ് ജോ ബൈഡന്‍ സര്‍ക്കാര്‍ ചൊവ്വാഴ്ചയാണ് തന്ത്രപ്രധാനമായ കരുതല്‍ ശേഖരത്തില്‍ നിന്ന് ദശലക്ഷക്കണക്കിന് ബാരല്‍ എണ്ണ പുറത്തിറക്കാനുള്ള പദ്ധതി പ്രഖ്യാപിച്ചത്. ദക്ഷിണാഫ്രിക്കന്‍ വിനോദസഞ്ചാരിയിലാണ് പുതിയ കൊവിഡ് വകഭേദം കണ്ടെത്തിയിരിക്കുന്നത്. ഇവര്‍ ഹോങ്കോംഗില്‍ ക്വാറന്റൈനില്‍ കഴിയുകയാണ്. ഇയാളെ കൂടാതെ ഒരാള്‍ക്കു കൂടി പുതിയ വകഭേദത്തില്‍ നിന്നുള്ള രോഗബാധയേറ്റതായി സംശയിക്കുന്നുണ്ട്. ഇവരുടെ ഒപ്പം യാത്ര ചെയ്ത മറ്റ് സഞ്ചാരികളേയും പ്രത്യേകം ക്വാറന്റൈന്‍ കേന്ദ്രത്തിലേക്ക് മാറ്റി.
ENGLISH SUMMARY:Omicron variant; Crude oil prices fall sharply in international markets
You may also like this video
