മുംബൈയിൽ കെട്ടിടം തകർന്നു വീണ് ഒരാൾ മരിച്ചു. 16 പേർക്ക് പരിക്കേറ്റു. പടിഞ്ഞാറൻ ബാന്ദ്രയിലെ ശാസ്ത്രി നഗറിലുള്ള മൂന്നു നില കെട്ടിടമാണ് തകർന്നത്. ഇന്നലെ രാത്രിയോടെയായിരുന്നു സംഭവം.
പരിക്കേറ്റ 16 പേരെയും ആശുപത്രിയിൽ പ്രവേശിപ്പിച്ചിട്ടുണ്ട്. പരിക്കുകൾ ഗുരുതരമല്ല. കൂടുതൽ പേർ അവശിഷ്ടങ്ങൾക്കിടയിൽ കുടുങ്ങിയിട്ടുണ്ട്. രക്ഷാപ്രവർത്തനം തുടരുകയാണെന്ന് ബ്രിഹാൻമുംബൈ മുൻസിപ്പൽ കോർപറേഷൻ ട്വീറ്റ് ചെയ്തു.
ആദ്യം രണ്ടോ മൂന്നോ പേർ മാത്രമേ അവശിഷ്ടങ്ങൾക്കിടയിൽ കുടുങ്ങിയിട്ടുള്ളു എന്നായിരുന്നു കരുതിയതെങ്കിലും കൂടുതൽ പേരുണ്ടെന്ന് വ്യക്തമായിയെന്ന് അധികൃതർ അറിയിച്ചു. പരിക്കേറ്റവരുടെ എണ്ണം ഇനിയും വർധിക്കാൻ ഇടയുണ്ട്. കൂടുതൽ വിവരങ്ങൾ ലഭ്യമല്ല.
English summary;One killed in Mumbai building collapse 16 people were injured
You may also like this video;
