മുംബൈയില്‍ വെടിവെയ്പ്പ് പൊലീസ് ഇടപ്പെട്ട് നിയന്ത്രണവിധേയമാക്കി. വെടിവയ്പ്പില്‍ ഒരാള്‍ മരിക്കുകയും മൂന്ന് പേര്‍ക്ക് പരിക്കേല്‍ക്കുകയും ചെയ്തു. പരസ്പരം ഉണ്ടായ തര്‍ക്കത്തെ തുടര്‍ന്നാണ് വെടിവെയ്പ്പുണ്ടായതെന്ന് വിവരം. മുംബൈയിലെ കാന്തിവ്ലിയിലാണ് രണ്ട് യുവാക്കള്‍ ബൈക്കില്‍ വന്ന് വെടിയുതിര്‍ത്തത്.
അക്രമണത്തിന് കാരണം മുന്‍വൈരാഗ്യമാണ് പൊലീസ് ചൂണ്ടിക്കാട്ടിയത്. അങ്കിത് യാദവ് എന്നയാളാണ് വെടിവെപ്പില്‍ മരിച്ചത്. പ്രതികള്‍ പരസ്പരം നാല് റൗണ്ട് വെടിയുതിര്‍ത്തതായി പ്രാഥമിക അന്വേഷണത്തില്‍ കണ്ടെത്തി. തുടര്‍ന്ന് പ്രതികള്‍ സ്ഥലത്ത് നിന്ന് ഓടി രക്ഷപ്പെടുകയായിരുന്നു. നിലവില്‍ പരിക്കേറ്റ മൂന്നുപേരെയും സമീപത്തെ ആശുപത്രിയില്‍ പ്രവേശിപ്പിച്ചിരിക്കുകയാണ്.
English Summary:One killed in Mumbai shooting; Three people were injured
You may also like this video
