തങ്കശ്ശേരി കാവല്‍ ജംഗ്ഷനില്‍ വച്ച് ബൈക്കില്‍ വന്ന യുവാവിനെ കുത്തി കൊലപ്പെടുത്താന്‍ ശ്രമിച്ച സംഘത്തിലെ ഒരാള്‍ പോലീസ് പിടിയിലായി. തിരുമുല്ലവാരം റ്റിഎന്‍ആര്‍.എ 88 ജോണ്‍സ് ഡെയിലില്‍ ജോണ്‍ സുജോ കെന്നഡി (21) ആണ് പോലീസ് പിടിയിലായത്. ഇയാളും രാമന്‍കുളങ്ങര സ്വദേശിയായ തൗഫിക്ക് ചേര്‍ന്ന് നടത്തിയ റെന്‍റ് എ കാര്‍ ബിസിനസിലുണ്ടായ അഭിപ്രായ വ്യത്യാസത്തെ തുടര്‍ന്നാണ് കൊലപ്പെടുത്താന്‍ ശ്രമമുണ്ടായത്. ബൈക്കില്‍ സഞ്ചരിക്കുകയായിരുന്ന തൗഫീക്കിനേയും സഹോദരന്‍ റഫീക്കിനേയും തങ്കശ്ശേരി കാവല്‍ ജംഗ്ഷനില്‍ വച്ച് പ്രതികള്‍ തടഞ്ഞ് നിര്‍ത്തി.
പരസ്പരമുണ്ടായ വക്കേറ്റതിനൊടുവില്‍ സുജോ കെന്നഡി കൈയ്യില്‍ കരുതിയിരുന്ന കത്തി ഉപയോഗിച്ച് തൗഫീക്കിനെ കുത്തുകയായിരുന്നു. ജേഷ്ഠനെ രക്ഷിക്കാന്‍ ശ്രമിച്ച റഫീക്കിനാണ് കുത്തേറ്റത്. ഗുരുതരമായി പരിക്കേറ്റ ഇയാളെ കൊല്ലത്തെ സ്വകാര്യ മെഡിക്കല്‍ കോളേജ് ആശുപത്രിയില്‍ പ്രവേശിപ്പിച്ചു. കൊല്ലം വെസ്റ്റ് ഇന്‍സ്പെക്ടര്‍ ഷെഫീക്ക് ബിയുടെ നേതൃത്വത്തില്‍ എസ്സ്.ഐ മാരായ ശ്യാം കുമാര്‍ കെജി, ആശാ, എഎസ്ഐ മാരായ സിദ്ധിക്ക് ഉള്‍ അക്ബര്‍, വില്‍സണ്‍ ജോണ്‍സണ്‍, എസ്സിപിഒ മുഹമ്മദ് ഷാഫി, സിപിഒ ബാസ്റ്റിന്‍, അനീഷ് എന്നിവരടങ്ങിയ സംഘമാണ് പ്രതിടെ പിടികൂടിയത്. ഇയാളെ റിമാന്‍റ് ചെയ്തു.
ENGLISH SUMMARY:One of the gang members who tried to stab the youth to death has been arrested
You may also like this video
