രാജസ്ഥാനിലെ കരന്‍പൂര്‍ മണ്ഡലത്തിലെ സ്ഥാനാര്‍ത്ഥിയും കോണ്‍ഗ്രസ് എംഎല്‍എയുമായ ഗുര്‍മീത് സിങ് കുന്നാര്‍ അന്തരിച്ചു. ഡല്‍ഹി എയിംസ് ആശുപത്രയില്‍ ചികിത്സയിലായിരുന്നു. ഗുര്‍മീതിന്‍റെ ജന്മനാടായ ശ്രീ ഗംഗനഗറിലേക്ക് മൃതദേഹം കൊണ്ടുപോയതായി മകന്‍ അറിയച്ചു. രാജസ്ഥാന്‍ മുഖ്യമന്ത്രി അശോക് ഗഹ്‌ലോത് ഗുര്‍മീത് സിങിന്റെ മരണത്തില്‍ അനുശോചനം രേഖപ്പെടുത്തി.
കരന്‍പുര്‍ എംഎല്‍എയും മുന്‍ മന്ത്രിയുമായ ഗുര്‍മീത് സിങിന്റെ വിയോഗത്തില്‍ അതിയായ ദുഃഖമുണ്ട്. ഏറെകാലം അസുഖബാധിതനായിരുന്നപ്പോഴും തന്റെ മണ്ഡലത്തിലെ വികസന പ്രവര്‍ത്തനങ്ങള്‍ക്കായി അദ്ദേഹം പരിശ്രമിച്ചിരുന്നു. ഗുര്‍മീത് സിങിന്റെ വിയോഗം കോണ്‍ഗ്രസ് പാര്‍ട്ടിക്കും രാജസ്ഥാന്‍ രാഷ്ട്രീയത്തിനും നികത്താനാവാത്ത നഷ്ടമാണ്. ആത്മാവിന്റെ നിത്യശാന്തിക്കായി പ്രാര്‍ഥിക്കുന്നു അദ്ദേഹം പറഞ്ഞു.
1998ലെ തിരഞ്ഞെടുപ്പില്‍ കോണ്‍ഗ്രസ് സ്ഥാനാര്‍ഥിയായ മത്സരിച്ചു ജയിച്ച ഗുര്‍മീത് സിങ് 2008ല്‍ സ്വതന്ത്രനായും 2018ല്‍ വീണ്ടും കോണ്‍ഗ്രസ് സീറ്റിലുമാണ് മത്സരിച്ചു ജയിച്ചത്.
English Summary:
Congress candidate from Karanpur constituency in Rajasthan passed away
You may also like this video:
