വിപണിയില്‍ ജനുവരിയോടെ ഉള്ളി വില കുറയുമെന്ന് പ്രതീക്ഷിക്കുന്നതായി കേന്ദ്ര ഉപഭോക്തൃ കാര്യ സെക്രട്ടറി രോഹിത് കുമാര്‍ സിങ്. ഉള്ളി വില കിലോയ്ക്ക് 60 രൂപയില്‍ നിന്നും 40 രൂപയില്‍ താഴെയായി അടുത്ത മാസം കുറയാനുള്ള നടപടികള്‍ നിലവില്‍ നടക്കുന്നതായി അദ്ദേഹം പറഞ്ഞു.
കഴിഞ്ഞയാഴ്ച ഡല്‍ഹിയില്‍ ഉള്ളിയുടെ വില കിലോയ്ക്ക് 80 രൂപ കടന്നിരുന്നു. തുടര്‍ന്ന് 2024 മാര്‍ച്ച്‌ വരെ സര്‍ക്കാര്‍ ഉള്ളി കയറ്റുമതി നിരോധിച്ചിട്ടുണ്ട്. ഇതിനെതിരെ കര്‍ഷകര്‍ വലിയ പ്രതിഷേധം ഉയര്‍ത്തുന്നുണ്ട്. നേരത്തെ ഓഗസ്റ്റില്‍ ഡിസംബര്‍ 31 വരെ ഇന്ത്യ ഉള്ളിക്ക് 40 ശതമാനം കയറ്റുമതി തീരുവ ചുമത്തിയിരുന്നു.
English Summary: Onion prices will decrease next month
You may also like this video
