സംസ്ഥാനത്ത് ഓണക്കിറ്റ് ഇന്ന് കൂടി വിതരണം ചെയ്യും. 5,87,000 എഎവൈ(മഞ്ഞ) കാർഡ് ഉടമകളിൽ 5,24,428 പേർ ഇതുവരെ ഓണക്കിറ്റ് വാങ്ങി. ക്ഷേമ സ്ഥാപനങ്ങൾക്കുള്ള മുഴുവൻ കിറ്റുകളും സഞ്ചരിക്കുന്ന റേഷൻകടകൾ വഴി പൊതുവിതരണ വകുപ്പ് ഉദ്യോഗസ്ഥർ നേരിട്ട് എത്തിച്ചു നൽകി. ആദിവാസി ഊരുകളിലും ഉദ്യോഗസ്ഥർ നേരിട്ട് കിറ്റുകൾ എത്തിച്ചു. കോട്ടയം ജില്ലയിലെ 37,000ത്തോളം കിറ്റുകൾ തെരഞ്ഞെടുപ്പ് കമ്മിഷന്റെ വിലക്ക് കാരണം നൽകാൻ കഴിഞ്ഞിരുന്നില്ല. കഴിഞ്ഞ ദിവസം അത് പുനരാരംഭിച്ചു. ഇന്നലെ വരെ ഇ‑പോസ് വഴി 5,10,754 ഓണക്കിറ്റുകൾ വിതരണം ചെയ്തു. ക്ഷേമ സ്ഥാപനങ്ങളിൽ 8,162 കിറ്റുകളും 5,543 എണ്ണം ആദിവാസി ഊരുകളിലും വിതരണം ചെയ്തു.
English Summary: Onkit distribution today
You may also like this video
