ഓപ്പറേഷന്‍ കാവേരിയിലൂടെ 229 ഇന്ത്യക്കാരെ കൂടി സുഡാനില്‍ നിന്ന് രക്ഷിച്ചതായി കേന്ദ്ര വിദേശകാര്യ മന്ത്രാലയം. സൗദിയിലെ ജിദ്ദയില്‍ നിന്ന് ഇവര്‍ ഇന്നലെ രാവിലെ ബെംഗളൂരുവിലേക്കുള്ള വിമാനത്തില്‍ നാട്ടിലേക്ക് യാത്രതിരിച്ചു. ഓപ്പറേഷന്‍ കാവേരിയുടെ ഭാഗമായി ജിദ്ദയില്‍ നിന്ന് പുറപ്പെടുന്ന ഏഴാമത്തെ വിമാനമാണിത്. കഴിഞ്ഞ ദിവസം വൈകുന്നേരം 365 പേരും രാവിലെ 231 പേരുമാണ് സുഡാനില്‍ നിന്ന് ഡല്‍ഹി വിമാനത്താവളത്തില്‍ എത്തിച്ചേര്‍ന്നത്.
ഇന്ത്യ ഉള്‍പ്പെടെ വിവിധ രാജ്യങ്ങള്‍ പൗരന്മാരെ ഒഴിപ്പിക്കുന്ന സാഹചര്യത്തില്‍ സുഡാനില്‍ വെടിനിര്‍ത്തല്‍ പ്രഖ്യാപിച്ചിരിക്കുകയാണ്. നേരത്തെ ഇന്ത്യന്‍ നാവിക സേനയുടെ ഐഎന്‍എസ് തേജ 288 പേരെയും ഐഎന്‍എസ് സുമേദ 300 പേരെയും സുഡാനില്‍നിന്നു രക്ഷപ്പെടുത്തിയിരുന്നു.
English Summary;Operation Kaveri: Center says 229 more Indians have been rescued
You may also like this video
