ജാതി, മത,ദേശ, ലിംഗ വ്യത്യാസമോ അതിര്വരമ്പുകളോ ഇല്ലാതെ അഭിമാനത്തോടെ സംസ്ഥാനത്തിന്റെ അവയവദാന മേഖല. സംസ്ഥാനത്ത് ഇതുവരെ മൃതസജ്ജീവനി പദ്ധതി വഴി 323 പേരിലൂടെ 913 പേര്ക്കാണ് മരണാനന്തര അവയവങ്ങള് ദാനം നടത്തിയത്. കോവിഡ് മഹാമാരി കാലത്ത് അവയവദാന പ്രക്രിയയ്ക്ക് നിരവധി പ്രതിബന്ധങ്ങള് ഉണ്ടായെങ്കിലും അതെല്ലാം തരണം ചെയ്ത് കഴിഞ്ഞ വര്ഷം 21 പേരിലൂടെ 70 പേര്ക്കും ഈ വര്ഷം ആറ് പേരിലൂടെ 16 പേര്ക്കുമാണ് പുതുജീവിതം ലഭിച്ചത്. അവയവം മാറ്റിവയ്ക്കല് ശസ്ത്രക്രിയ സങ്കീര്ണവും ചെലവേറിയതും മറ്റ് ശസ്ത്രക്രിയകളില് നിന്ന് വ്യത്യസ്തവുമാണ്.
എന്നാല് സാധാരണക്കാര്ക്ക് കൂടി പ്രാപ്തമായ രീതിയിലാണ് സംസ്ഥാനത്തെ മരണാനന്തര അവയവദാന പ്രക്രിയ കേരള നെറ്റ്വര്ക്ക് ഫോര് ഓര്ഗണ് ഷെയറിംഗ് അഥവാ മൃതസജ്ജീവനി വഴി നടക്കുന്നത്. സംസ്ഥാനത്തിന്റെ അവയവദാന മേഖലയ്ക്ക് ഏറെ അഭിമാനിക്കാനുണ്ടെന്ന് ആരോഗ്യ വകുപ്പ് മന്ത്രി വീണാ ജോര്ജ്ജ് പറഞ്ഞു. അഫ്ഗാന് സ്വദേശിയായ സൈനികന് കൈകളും കസാഖിസ്ഥാനിലെ പെണ്കുട്ടിക്ക് ഹൃദയവും നല്കി മാതൃക കാട്ടി. അവയവദാന പ്രക്രിയയിലെ മഹത് വ്യക്തികളാണ് അതിന് തയ്യാറായ കുടുംബമെന്നും മന്ത്രി വ്യക്തമാക്കി. അവയവദാന പ്രക്രിയ കൂടുതല് കാര്യക്ഷമമാക്കുന്നതിനായി കേരള ഓര്ഗണ് ട്രാന്സ്പ്ലാന്റ് സൊസൈറ്റി (കെ-സോട്ടോ) രൂപീകരിക്കാനായി സര്ക്കാര് ഉത്തരവ് പുറപ്പെടുവിച്ചിട്ടുണ്ട്.
English summary; Organ donation: 16 new lives this year