കൃഷിവകുപ്പിൽ സുതാര്യമായി പൂർത്തിയാക്കിയ ഓൺലൈൻ സ്ഥലം മാറ്റത്തിനേയും വകുപ്പിലെ ശാക്തീകരണ പ്രവർത്തനങ്ങളെയും വ്യാജ പ്രചാരണങ്ങളിലൂടെയും വ്യവഹാരങ്ങളിൽപ്പെടുത്തിയും അട്ടിമറിക്കുവാനുള്ള നീക്കത്തിനെതിരെ ജോയിന്റ് കൗൺസിൽ നേതൃത്വത്തിൽ കൃഷി വകുപ്പ് ഡയറക്ട്രേറ്റിലും പ്രിൻസിപ്പൽ കൃഷി ഓഫീസുകൾക്ക് മുന്നിലും സംരക്ഷണ സദസ്സുകൾ സംഘടിപ്പിച്ചു.
ആലപ്പുഴയിൽ പ്രിൻസിപ്പൽ കൃഷി ഓഫീസിനു മുന്നിൽ സംഘടിപ്പിച്ച സംരക്ഷണസദസ്സ് ജോയിന്റ് കൗൺസിൽ സംസ്ഥാന സെക്രട്ടറി പി എസ് സന്തോഷ് കുമാർ ഉദ്ഘാടനം ചെയ്തു. വി പ്രശാന്ത് അധ്യക്ഷത വഹിച്ചു. ജില്ലാ സെക്രട്ടറി എം അനിൽകുമാർ സ്വാഗതം പറഞ്ഞു. കെ ജി ഐബു, സി എൻ പ്രമോദ്, ശരത്, അഭിലാഷ്, എ ടി മുജീബ്, എം ആർ രാജേഷ്, സീമ ഗോപിദാസ് എന്നിവർ സംസാരിച്ചു.
English Summary: Organized a conservation meeting