കൊല്‍ക്കത്തയിലെ മേല്‍പ്പാലം ഉത്തര്‍പ്രദേശിലെ ബിജെപി സര്‍ക്കാര്‍ നടപ്പാക്കിയ വികസനമായി കാണിച്ച്‌ പരസ്യം ചെയ്ത ആദിത്യനാഥ് വെട്ടിലായി. സമൂഹ മാധ്യമങ്ങളിലടക്കം വന്‍ പരിഹാസം ഉയര്‍ന്നിട്ടുണ്ട്.
അടുത്ത വര്‍ഷം നിയമസഭ തെരഞ്ഞെടുപ്പ് നടക്കാനിരിക്കേയാണ് ദിനപത്രങ്ങളില്‍ ഒന്നാം പേജ് പരസ്യങ്ങള്‍ പ്രസിദ്ധീകരിച്ചിരിക്കുന്നത്. എന്നാല്‍ ഉത്തര്‍പ്രദേശിലെ വികസന പദ്ധതിയായി കാണിച്ചിട്ടുള്ള നീലയും വെള്ളയും പെയിന്റടിച്ച മേല്‍പ്പാലം കൊല്‍ക്കത്തയിലെ ‘മാ ഫ്ലൈഓവര്‍’ ആണെന്ന് തെളിവുസഹിതം സമൂഹമാധ്യമങ്ങളില്‍ പുറത്തുവന്നു. മേല്‍പ്പാലത്തിന് സമീപത്തെ കെട്ടിടങ്ങള്‍ കൊല്‍ക്കത്തയിലെ പഞ്ചനക്ഷത്ര ഹോട്ടലിന്റേതാണെന്നും സോഷ്യല്‍ മീഡിയ ചൂണ്ടിക്കാട്ടുന്നു.
യുപിയില്‍ അധികാരം നിലനിര്‍ത്താനുള്ള ശ്രമത്തിലാണ് ബിജെപി ഇതിനോടകം പ്രചാരണങ്ങളിലേക്ക് ശ്രദ്ധ കേന്ദ്രീകരിച്ചിട്ടുള്ളത്. എന്നാല്‍ കോവിഡ് രണ്ടാം തരംഗത്തെ ഫലപ്രദമായി നേരിടുന്നതില്‍ പരാജയപ്പെട്ട മുഖ്യമന്ത്രി ആദിത്യനാഥിനെതിരെ പാര്‍ട്ടിയില്‍ തന്നെ പടയൊരുക്കമുണ്ട്.
English Summary : overbridge in kolkata appeared in uttarpradesh government development advertisement
You may also like this video :
