കർഷക കൂട്ടായ്മയുടെ പടവലം കൃഷി വിളവെടുപ്പ് കാർഷിക രംഗത്ത് എഴുപതിലധികം വർഷത്തെ പ്രവർത്തന പാരമ്പര്യമുള്ള രോഹിണിയമ്മ നിർവ്വഹിച്ചു. പാണാവള്ളി പഞ്ചായത്ത് പ്രസിഡന്റ് ധന്യസന്തോഷ്, വാർഡ് അംഗം രാഗിണി രമണൻ, കൃഷി ഒഫീസർ ഫാത്തിമ റഹിയനത്ത് അസിസ്റ്റന്റ് അബൂബക്കർ എന്നിവർ പങ്കെടുത്തു.
യുവകർഷക അവാർഡ് ജേതാവ് ഡി സാബു ഗൗരീശങ്കരം, രാമചന്ദ്രൻ കണ്ടനാട്, പാപ്പച്ചൻ കൈറ്റാത്ത് എന്നിവർ ചേർന്ന് വർഷങ്ങളായ് കൃഷി ചെയ്തുവരുന്നു. പാവൽ, പീച്ചിൽ, കുറ്റി പയർ വള്ളി പയർ, ചിര, വെണ്ട, തക്കാളി, വഴുതന, മത്തൻ, പച്ചമുളക്, ഇഞ്ചി, മഞ്ഞൾ, ചേന എന്നിവയാണ് മറ്റു കൃഷിയിനങ്ങൾ.