അതിർത്തിയിൽ വെടിനിർത്തൽ കരാർ ലംഘിച്ച് ഇന്ത്യൻ പോസ്റ്റുകൾക്ക് നേരെ പാകിസ്ഥാൻ സൈന്യം നടത്തിയ ആക്രമണത്തില്‍ അതിര്‍ത്തി രക്ഷാസേനാ ഉദ്യോഗസ്ഥന് (ബിഎസ്എഫ്) പരിക്കേറ്റു. പ്രകോപനമില്ലാതെയാണ് പാക് സൈനികര്‍ വെടിയുതിര്‍ത്തതെന്നാണ് റിപ്പോര്‍ട്ടുകള്‍. പുലർച്ചെ 2.35 നാണ് വെടിവയ്പ്പുണ്ടായത്. ഇന്ത്യൻ സൈനികര്‍ തിരിച്ചടിച്ചതായും സൈനികവൃത്തങ്ങള്‍ അറിയിച്ചു. സൈനികർ അതീവ ജാഗ്രതയിലാണെന്നും നിയന്ത്രണ രേഖയില്‍ ജാഗ്രത പുലർത്തുന്നുണ്ടെന്നും സൈനികവൃത്തങ്ങള്‍ പറഞ്ഞു.
ജമ്മുവിൽ നിയന്ത്രണരേഖയ്ക്ക് സമീപം വെടിനിർത്തൽ കരാർ ലംഘിച്ച് പാകിസ്ഥാൻ: ബിഎസ്എഫ് ഉദ്യോഗസ്ഥന് പരിക്കേറ്റു
