ജമ്മു കശ്മീരിലെ ഏറ്റുമുട്ടലിൽ കൊല്ലപ്പെട്ട രണ്ട് ഭീകരരെ തിരിച്ചറിഞ്ഞു

ജമ്മു കശ്മീരിലെ കുൽഗാം ജില്ലയിൽ സുരക്ഷാ സേനയുമായുള്ള ഏറ്റുമുട്ടലിൽ കൊല്ലപ്പെട്ട ജെയ്‌ഷെ മുഹമ്മദ് (ജെഎം) സംഘടനയിലെ രണ്ട് പാകിസ്ഥാൻ ഭീകരരെ തിരിച്ചറിഞ്ഞു. സുൽത്താൻ പത്താൻ, സബിയുള്ള എന്നീ ഭീകരരാണ് ആക്രമണത്തില്‍ കൊല്ലപ്പെട്ടത്.

2018 മുതല്‍ കുൽഗാം ‚ഷോപിയാൻ ജില്ലകളിലെ പ്രദേശങ്ങളിൽ ഇവര്‍ സജീവമാണെന്നും ഐജിപി വിജയ് കുമാർ അറിയിച്ചു. രണ്ട് എകെ റൈഫിളുകളും ഏഴ് എകെ മാഗസിനുകളും ഒമ്പത് ഗ്രനേഡുകളും ഇവരിൽ നിന്ന് കണ്ടെടുത്തതായി കുമാർ പറഞ്ഞു.

ശനിയാഴ്ച കുൽഗാമിലെ മിർഹാമ മേഖലയിൽ ഭീകരരുടെ സാന്നിധ്യമുണ്ടെന്ന രഹസ്യ വിവരം ലഭിച്ച അടിസ്ഥാനത്തിലാണ് സുരക്ഷാ സേന തെരച്ചിൽ ആരംഭിച്ചത്. ഇതിന് പിന്നാലെ സുരക്ഷാ സേനയും ഭീകരരും തമ്മില്‍ ഏറ്റുമുട്ടലുണ്ടാകുകയായിരുന്നു.

Eng­lish summary;Pakistani Ter­ror­ists Killed In Encounter In South Kash­mir Identified

You may also like this video;