പാലക്കാട് ജില്ലയിലെ കണ്ണാടിയില്‍ കോണ്‍ഗ്രസ് പ്രവര്‍ത്തകര്‍ക്ക് വെട്ടേറ്റു. നാല് പ്രവര്‍ത്തകര്‍ക്കാണ് വെട്ടേറ്റത്. തിങ്കളാഴ്ച രാവിലെ പത്തരയോടെ സംഘം പ്രവര്‍ത്തകരെ ആക്രമിച്ചത്. വിനീഷ്, റെനില്‍, അമല്‍, സുജിത്ത് എന്നിവര്‍ക്കാണ് വെട്ടേറ്റത്. ഇവരില്‍ വിനീഷ്, റെനില്‍ എന്നിവര്‍ മുന്‍ പഞ്ചായത്ത് അംഗങ്ങളാണ്.
അഞ്ചംഗ സംഘമാണ് ആക്രമണം നടത്തിയത്. ബ്ലേഡ് മാഫിയയാണ് ആക്രമണത്തിന് പിന്നിലെന്നാണ് റിപ്പോര്‍ട്ടുകള്‍. കണ്ണാടി സ്വദേശിയാണ് സംഘത്തില്‍നിന്ന് പണം പലിശയ്‌ക്കെടുത്ത യുവാവ്. ഇയാള്‍ യൂത്ത് കോണ്‍ഗ്രസ് മണ്ഡലം വൈസ് പ്രസിഡന്റുകൂടിയാണ്. മാത്തൂര്‍ സ്വദേശികളാണ് അക്രമത്തിന് പിന്നിലെന്നാണ് പരിക്കേറ്റവർ പറയുന്നത്. കാറിലെത്തിയ സംഘം മാരകായുധങ്ങളുമായെത്തി തങ്ങളെ ആക്രമിക്കുകയായിരുന്നുവെന്നും റിപ്പോര്‍ട്ടുകള്‍ വ്യക്തമാക്കുന്നു.
English Summary: Palakkad Congress workers were hacked
You may also like this video
