ഓൾ ഇന്ത്യ പീസ് ആന്റ് സോളിഡാരിറ്റി ഓർഗനൈസേഷ(ഐപ്സോ)നും പലസ്തീൻ സോളിഡാരിറ്റിയും ചേർന്ന് ജന്തർ മന്ദറില്‍ നടത്തുന്ന ഐക്യദാര്‍ഢ്യ പരിപാടിക്ക് ഡൽഹി പൊലീസ് അനുമതി നിഷേധിച്ചതിൽ ഇടപെടണമെന്ന് സിപിഐ പാർലമെന്ററി ഗ്രൂപ്പ് നേതാവ് ബിനോയ് വിശ്വം ആഭ്യന്തര മന്ത്രിക്ക് അയച്ച കത്തില്‍ ആവശ്യപ്പെട്ടു.
റഫയിൽ ഇസ്രയേൽ നടത്തുന്ന വംശഹത്യക്കെതിരെ പ്രതിഷേധ പ്രകടനം നടത്താനാണ് തീരുമാനിച്ചത്. ഇന്ത്യന്‍ സര്‍ക്കാരിന്റെ നിലപാടുമായി പൊരുത്തപ്പെടുന്നതാണ് പലസ്തീൻ ജനതയോടുള്ള ഐക്യദാർഢ്യം. പലസ്തീൻ ജനതയുടെ സ്ഥിരമായ സഖ്യകക്ഷിയാണ് ഇന്ത്യയെന്നും 1967ന് മുമ്പുള്ള അതിർത്തികള്‍ നിശ്ചയിച്ച് സമ്പൂർണ രാജ്യ പദവി ഉൾപ്പെടെ പലസ്തീൻ ഉന്നയിച്ച ആവശ്യങ്ങളോട് പ്രതിജ്ഞാബദ്ധമാണെന്നും ബിനോയ് വിശ്വം കത്തിൽ പറഞ്ഞു.
English Summary:Palestine Solidarity: Benoy Vishwam Sends Letter
You may also like this video
