പാറമേക്കാവ് ഉത്സവത്തില്‍ ഇന്നു രാത്രി നടക്കുന്ന ആറാട്ടില്‍ ആനയെ എഴുന്നള്ളിക്കുന്നത് തടഞ്ഞു. 15 ആനകളെ എഴുന്നള്ളിക്കാന്‍ അനുമതി നല്‍കിയ കലക്ടറോട് അതു പിന്‍വലിക്കാന്‍ പ്രിന്‍സിപ്പല്‍ സെക്രട്ടറി അടിയന്തര സന്ദേശം നല്‍കി. 2013ലെ വനം വകുപ്പു സര്‍ക്കുലര്‍ പ്രകാരം പുതിയ ഉത്സവങ്ങള്‍ക്ക് അനുമതി നല്‍കരുതെന്നു കലക്ടര്‍ക്കു ചിലര്‍ പരാതി നല്‍കിയിരുന്നു.
എന്നാല്‍ സുപ്രീം കോടതി ഉത്തരവില്‍ എഴുന്നള്ളിപ്പ് തുടങ്ങരുതെന്നു പറയുന്നില്ലെന്നും നിരുത്സാഹപ്പെടുത്തണമെന്നാണ് പറയുന്നതെന്നും ആന മോണിറ്ററിങ് കമ്മിറ്റി കലക്ടറെ അറിയിച്ചിരുന്നു. ഇതോടെയാണു തീരുമാനം സര്‍ക്കാരിന് വിടാന്‍ തീരുമാനിച്ചത്.
വനം വകുപ്പു സര്‍ക്കുലര്‍ അനുസരിച്ചു എഴുന്നള്ളിപ്പ് അനുവദിക്കാനാകില്ലെന്നു പ്രിന്‍സിപ്പല്‍ സെക്രട്ടറി വ്യക്തമാക്കി. ആവശ്യമായ നടപടി സ്വകരിക്കാന്‍ കലക്ടര്‍ക്ക് അടിയന്തര സന്ദേശം നല്‍കി. എല്ലാ അനുമതിയും നല്‍കിയ ശേഷം അതു പിന്‍വലിക്കുകയാണെങ്കില്‍ കലക്ടര്‍ക്കെതിരെ കോടതിയെ സമീപിക്കുമെന്ന് ദേവസ്വം വ്യക്തമാക്കി.
English summary; Paramekavu Festival; Elephants are not allowed
You may also like this video;
