ട്രെയ്നില്‍ ടിക്കറ്റിനെ ചൊല്ലിയുണ്ടായ തര്‍ക്കത്തിനിടെ ടിടിഇ ട്രെയ്നില്‍ നിന്ന് തള്ളിയിട്ട യാത്രക്കാരന്റെ കാല്‍ അറ്റുപോയി. യുപിയിലെ ബറേലി റയില്‍വേ സ്റ്റേഷനിലാണ് സംഭവം. യാത്രക്കാരന്റെ നില ഗുരുതരമായി തുടരുകയാണ്. ടിടിഇയായ സുപന്‍ ബോറയ്ക്കെതിരെ വധശ്രമത്തിന് പൊലീസ് കേസെടുത്തു. ദിബ്രുഗഢ്- ന്യൂഡല്‍ഹി രാജധാനി എക്സ്പ്രസ്സില്‍ യാത്ര ചെയ്ത പട്ടാളക്കാരനായ സോനുവിനെയാണ് ട്രെയ്നില്‍ നിന്ന് പുറത്തേക്ക് തള്ളിയിട്ടത്.
വീഴ്ചയില്‍ ട്രെയ്നിന് അടിയിലേക്ക് പോയ സോനുവിനെ ഉടനടി തന്നെ സമീപത്തെ മിലിട്ടറി ഹോസ്പിറ്റലില്‍ എത്തിച്ചു. ഒളിവില്‍ പോയ ടിടിഇ സുപന്‍ ബോറയ്ക്കെതിരെ 307ാം വകുപ്പ് പ്രകാരം പൊലീസ് വധശ്രമത്തിന് കേസെടുത്തിട്ടുണ്ട്. സംഭവത്തിന്റെ സിസിടിവി ദൃശ്യങ്ങള്‍ പരിശോധിച്ചു വരികയാണെന്നും ഇയാളെ കണ്ടെത്താനുള്ള ശ്രമം തുടരുകയാണെന്നും പൊലീസ് അറിയിച്ചു.
English Summary:Passengers leg amputated after tte was pushed from THE train
You may also like this video
