പാസ്പോര്‍ട്ട് നിയമത്തിലെ വ്യവസ്ഥകള്‍ ചോദ്യം ചെയ്ത് പ്രശാന്ത് ഭൂഷണ്‍ നല്‍കിയ ഹര്‍ജിയില്‍ വാദം കേള്‍ക്കുന്നത് സുപ്രീം കോടതി മാറ്റിവച്ചു. ഹർജിക്കാരന്റെ അഭിഭാഷകൻ ജയന്ത് ഭൂഷൺ ഹാജരാകാത്തതിനെ തുടർന്ന് ജസ്റ്റിസുമാരായ അഭയ് എസ് ഒക, ഉജ്ജൽ ഭുയാൻ എന്നിവരടങ്ങിയ ബെഞ്ച് കേസ് മാറ്റിവച്ചത്. കേസ് വ്യാഴാഴ്ച പരിഗണിക്കും.
പാസ്പോർട്ട് നിയമ വ്യവസ്ഥയ്‌ക്കെതിരായ തന്റെ ഹർജി തള്ളിയ ഡൽഹി ഹൈക്കോടതിയുടെ 2016 ജനുവരിയിലെ വിധിക്കെതിരെയാണ് പ്രശാന്ത് ഭൂഷൺ സുപ്രീം കോടതിയിൽ അപ്പീൽ സമർപ്പിച്ചത്. നിയമത്തിന്റെ ഭരണഘടനാ സാധുതയും കോടതിയിൽ നിന്ന് ‘നോ ഒബ്‌ജക്ഷൻ സർട്ടിഫിക്കറ്റ്’ ലഭിച്ചാൽ പ്രതിക്ക് ഒരു വർഷത്തേക്ക് മാത്രം പാസ്പോർട്ട് നൽകാനുള്ള വിജ്ഞാപനവും ചോദ്യം ചെയ്തുള്ളതാണ് ഹര്‍ജി.
English Summary:Passport Act: Petition moved
You may also like this video
