തെലങ്കാനയില്‍ വനിത ഡോക്ടര്‍ക്ക് നേരെ രോഗിയുടെ ആക്രമണം.സെക്കന്തരാബ്ദിലെ ഗാന്ധി ആശുപത്രിയിലാണ് സംഭവം.കാഷ്വാലിറ്റി വാര്‍ഡില്‍ വെച്ച് ചികിത്സക്കെത്തിയ പ്രതി ഡോക്ടറെ ആക്രമിക്കുകകയായിരുന്നു.
40കാരനായ വ്യക്തിയാണ് ആക്രമിച്ചത്. ഡോക്ടര്‍ മറ്റൊരു രോഗിയെ പരിശോധിക്കുന്നതിനിടെയായിരുന്നു സംഭവം.പിന്നിലൂടെ എത്തിയ ഇയാള്‍ ഡോക്ടറുടെ വസ്ത്രത്തില്‍ പിടിച്ചുവലിച്ച് ആക്രമിക്കുകയാിരുന്നു. പ്രതിരോധിക്കുന്നതിനിടെ ഡോക്ടറുടെ വസ്ത്രം കീറുകയും ചെയ്തു.
ഉടന്‍ തന്നെ മറ്റ് ജീവനക്കാരുംആശുപത്രിയിലുണ്ടായിരുന്നവരും ഓടിയെത്തി ഡോക്ടറെ രക്ഷപെടുത്തി.പ്രതി രക്ഷപെടാന്‍ ശ്രമിച്ചെങ്കിലും സുരക്ഷ ഉദ്യോഗസ്ഥര്‍ പിടികൂടി പൊലീസില്‍ ഏല്‍പ്പിച്ചു. സംഭവത്തിന്റെ സിസിടിവി ദൃശ്യങ്ങള്‍ പുറത്തുവന്നിട്ടുണ്ട്