പ്രധാനമന്ത്രി നരേന്ദ്രമോഡി മണിപ്പൂർ സന്ദർശിക്കാത്തത് മനഃസാക്ഷിക്കുത്തുകൊണ്ടാണെന്ന് സിപിഐ സംസ്ഥാന സെക്രട്ടറി ബിനോയ് വിശ്വം പറഞ്ഞു. എൽഡിഎഫ് മാവേലിക്കര ലോക്‌സഭാ മണ്ഡലം സ്ഥാനാർത്ഥി അഡ്വ. സി എ അരുൺകുമാറിന്റെ തെരഞ്ഞെടുപ്പ് പ്രചരണത്തിന്റെ ഭാഗമായി നടന്ന പൊതുസമ്മേളനം ഉദ്ഘാടനം ചെയ്യുകയായിരുന്നു അദ്ദേഹം.
രാജ്യത്തിന്റെ വിവിധ ഭാഗങ്ങളിൽ തുടർച്ചയായി സന്ദർശനം നടത്തുന്ന നരേന്ദ്രമോഡി ഇതുവരെ മണിപ്പൂരിൽ പോകാൻ തയ്യാറായിട്ടില്ല. ശത്രുസേനയെപ്പോലെ ജനങ്ങൾ പരസ്പരം ഏറ്റുമുട്ടുന്ന നടുക്കുന്ന കാഴ്ചയാണ് അവിടെയെങ്ങും. കൊല്ലാനും ചാകാനും വേണ്ടി ജനങ്ങൾ പരസ്പരം ആയുധം എടുക്കുന്നു. ഇത് ഇന്ത്യയുടെ സംസ്കാരവും പാരമ്പര്യവുമല്ല. ബിജെപി വിതച്ച വിഷവിത്തുകളാണ് അവിടെ കലാപം ഉണ്ടാക്കിയത്. ഈ തെരഞ്ഞെടുപ്പിൽ നന്മയാണ് ജയിക്കേണ്ടത്.
എല്ലാ കുടുംബങ്ങളിലും തെരഞ്ഞെടുപ്പ് ചർച്ചയാകുമ്പോൾ ഇടതുപക്ഷത്തിന് മികച്ച വിജയനേട്ടം ഉണ്ടാകുമെന്ന് ഉറപ്പാണ്. എല്ലാ മത വിശ്വാസികളെയും ചേർത്ത് പിടിക്കുന്ന ചരിത്രമാണ് രാജ്യത്തിന്റേത്. അതാണ് ഇന്ത്യയുടെ മഹത്വവും. മതസൗഹാർദം നിലനിര്‍ത്തി രാജ്യത്തിന് മുന്നോട്ട് പോകണമെങ്കിൽ ഇന്ത്യ ഭരിക്കുന്ന ശക്തികളെ പരാജയപ്പെടുത്തണമെന്നും അദ്ദേഹം പറഞ്ഞു. തെരഞ്ഞെടുപ്പ് പ്രസിഡന്റ് ഷീദ് മുഹമ്മദ് അധ്യക്ഷനായി.
English Summary:Pay tribute to Modi in Manipur: Binoy Viswam
You may also like this video
