പീച്ചി ഡാം സ്ലൂയിസ് ഷട്ടര് നാളെ തുറക്കും. മണലി, കരുവന്നൂര് പുഴകളില് നിലവിലെ ജലനിരപ്പില് നിന്ന് പരമാവധി 20 സെന്റിമീറ്റര് കൂടി ഉയരാന് സാധ്യതയുള്ളതിനാല് തീരത്ത് താമസിക്കുന്നവര് ജാഗ്രത പുലര്ത്തേണ്ടതാണെന്ന് ജില്ലാ ദുരന്തനിവാരണ അതോറിട്ടി ചെയര്പേഴ്സണായ ജില്ലാ കളക്ടര് അര്ജുന് പാണ്ഡ്യന് അറിയിച്ചു.
പീച്ചി ഡാമിന്റെ വൃഷ്ടി പ്രദേശങ്ങളില് സാമാന്യം നല്ല രീതിയില് മഴ ലഭിച്ചതിനാല് ഡാമിലേക്കുള്ള നീരൊഴുക്ക് കൂടി. ഈ സാഹചര്യത്തില് ഡാമിലെ ജലനിരപ്പ് നിയന്ത്രിക്കുന്നതിനുവേണ്ടി നാളെ (ജൂണ് 20) രാവിലെ ഒന്പത് മണി മുതല് കെ എസ് ഇ ബി ചെറുകിട വൈദ്യുതി ഉത്പാദന നിലയം/ റിവര് സ്ലൂയിസ് വഴി വെള്ളം തുറന്ന് വിടും.