സംസ്കൃതി, പുന്നപ്ര ഫൈൻ ആർട്സ് സൊസൈറ്റി സഹകരണത്തോടെ നടത്തിയ രമേശ് മേനോന്റെ ഗാനങ്ങളുടെ പ്രകാശനവും സ്നേഹാദരവും ചലച്ചിത്ര പിന്നണി ഗായകൻ സുദീപ് കുമാർ ഉദ്ഘാടനം ചെയ്തു. സംസ്കൃതി സെക്രട്ടറി എച്ച് സുബൈർ അധ്യക്ഷനായി. കവിയും ഗാനരചയിതാവും ഗുരുപൂജ അവാർഡ് ജേതാവുമായ രമേശ് മേനോന്റെ നൂറിലധികം നാടക ഗാനങ്ങളും ലളിത ഗാനങ്ങളും അടങ്ങിയ പുസ്തകം തിരക്കഥാകൃത്ത് എം സിന്ധുരാരിൽ നിന്നും സംഗീത സംവിധായകൻ ആലപ്പി ഋഷികേശ് പുസ്തകം ഏറ്റുവാങ്ങി.
നിരൂപകൻ കുഞ്ഞിക്കണ്ണൻ വാണിമേൽ മുഖ്യപ്രഭാഷണവും കവി നാസർ ഇബ്രാഹിം പുസ്തക പരിചയവും നിർവ്വഹിച്ചു. കലാ സാഹിത്യ സാംസ്കാരിക രംഗങ്ങളിലെ പ്രമുഖരെ ചടങ്ങിൽ ആദരിച്ചു. ഫാസ് സെക്രട്ടറി ജോബ് ജോസഫ്, പ്രസിഡന്റ് ജി രാജഗോപാൽ, വിമൽ റോയി തുടങ്ങിയവർ സംസാരിച്ചു.
English Summary: Performed the release of the songs