ലോകത്തെ തന്നെ ഏറ്റവും അപകടകാരികളാണ് പിറ്റ്ബുൾ വിഭാഗത്തിൽപ്പെടുന്ന നായ്ക്കൾ. ലോകത്തിന്റെ നാനാഭാഗങ്ങളിലായി നിരവധിയാളുകൾ പിറ്റ്ബുള്ളിന്റെ ആക്രമണത്തില്‍ കൊല്ലപ്പെട്ടിട്ടുണ്ട്. ഇപ്പോഴിതാ 4 വയസുകാരിയെ പിറ്റ്ബുൾ നായ ആക്രമിക്കുന്ന ഞെട്ടിക്കുന്ന വീഡിയോയാണ് സമൂഹമാധ്യമങ്ങളിലൂടെ പുറത്തുവരുന്നത്. ഹരിയാനയിലെ അംബാല എന്ന സ്ഥലത്താണ് സംഭവം.
തിങ്കളാഴ്ച വൈകുന്നേരം റോഡിലൂടെ നടക്കുകയായിരുന്ന പെണ്‍കുട്ടിയെ ഉടമയ്ക്കൊപ്പം എത്തിയ നായ ആക്രമിക്കുകയായിരുന്നു. ഉടമയുടെ കയ്യില്‍ നിന്ന് തൊടല്‍ പൊട്ടിച്ച് ഓടിയ പിറ്റ്ബുള്‍ കുട്ടിയുടെ ദേഹത്തേക്ക് ചാടി വീഴുകയായിരുന്നു. വഴിയാത്രക്കാര്‍ ഓടി എത്തിയാണ് നായയില്‍ നിന്ന് കുട്ടിയെ രക്ഷപ്പെടുത്തിയത്. ഗുരുതരമായി പരിക്കേറ്റ കുട്ടിയെ ആശുപത്രിയില്‍ പ്രവേശിപ്പിച്ചു. കുട്ടിയുടെ പിതാവിന്റെ പരാതിയില്‍ ഉടമ ആരതിക്കെതിരെ കേസെടുത്തതായി പൊലീസ് അറിയിച്ചു.
English Summary: Pitbull bites 4‑year-old girl in Ambala Cantt, owner booked
You may also like this video
