പികെവി പുരസ്കാരം പന്ന്യൻ രവീന്ദ്രന്

പികെവി സെന്റർ ഫോർ ഹ്യുമൻ ഡെവലപ്മെന്റ് ആന്റ് കൾച്ചറൽ അഫീയേഴ്സ് കിടങ്ങൂർ ഏർപ്പെടുത്തിയിട്ടുള്ള ഈ വർഷത്തെ പികെവി പുരസ്കാരത്തിന് സിപിഐ നേതാവ് പന്ന്യൻ രവീന്ദ്രൻ മുന്‍ എംപിയെ തെരെഞ്ഞെടുത്തു. ഡോ. സിറിയക് തോമസ് ചെയർമാനും ജോസ് പനച്ചിപ്പുറം, ഡോ. ജിനു സക്കറിയ ഉമ്മൻ എന്നിവർ അംഗങ്ങളുമായ അവാർഡ് നിർണ്ണയ കമ്മറ്റിയാണ് പൊതു ജനങ്ങളിൽ നിന്നും ലഭിച്ച നാമ നിർദേശങ്ങളിൽ നിന്നും പുരസ്കാര ജേതാവിനെ തെരെഞ്ഞെടുത്തത്.
രാഷ്ട്രീയ പൊതു ജീവിതത്തിൽ കറ പുരാളതെ തന്റെ പൊതു ജീവിതം വിശുദ്ധിയോടെ കാത്ത് സൂക്ഷിച്ച വ്യക്തി എന്ന നിലയിലാണ് പന്ന്യൻ രവീന്ദ്രനെ പികെവി പുരസ്കാരത്തിന് അർഹനാക്കിയത്. 10000 രൂപയും പ്രശസ്തി പത്രവും ഫലകവും അടങ്ങുന്നതാണ് അവാർഡ്. 12 ന് വൈകിട്ട് 4.30 ന് പികെവിയുടെ ജന്മ നാടായ കിടങ്ങൂരിൽ വച്ച് ഗവ. എൽ പി സ്കൂളിൽ നടക്കുന്ന സമ്മേളനത്തിൽ മൃഗ സംരക്ഷണ — ക്ഷീര വകുപ്പ് മന്ത്രി ജെ ചിഞ്ചു റാണി പുരസ്കാരം സമർപ്പിക്കും.

eng­lish summary;PKV award to Pan­nyan Ravindran

you may also like this video;