കായിക സംസ്കാരത്തെ തിരിച്ചു പിടിച്ച് പുതിയ തലമുറയെ കളിക്കളങ്ങളിൽ എത്തിച്ചാൽ ഇന്ന് സമൂഹം നേരിടുന്ന പല വെല്ലുവിളികൾക്കും പരിഹാരമാകുമെന്ന് മന്ത്രി റോഷി അഗസ്റ്റിൻ പറഞ്ഞു. മതിലകം സ്പോർട്സ് ആക്കാദമി ഈ മാസം 25 മുതൽ മതിലകത്ത് സംഘടിപ്പിക്കുന്ന അഖിലേന്ത്യാ വോളിബോൾ ടൂർണമെന്റിന്റെ ഭാഗമായി നടന്ന വോളിബോൾ താര സംഗമം ഉദ്ഘാടനം ചെയ്യുകയായിരുന്നു മന്ത്രി. ഇ ടി ടൈസൺ എംഎൽഎ അധ്യക്ഷത വഹിച്ചു.
താര സംഗമത്തിൽ പങ്കെടുത്ത ദേശീയ താരങ്ങളായ സിറിൾ സി വളളൂർ, ബി അനിൽ, ഗോപീദാസ്, ഹസ്സൻ കോയ, ദീപിക, സി കെ, മധു എസ് എൻ, എ സി ജീജോ ബാസ്റ്റിൻ എന്നിവരെയും മുൻ കാല താരങ്ങളെയും ആദരിച്ചു. യോഗത്തിൽ കെ വൈ അസീസ് , എം ബി വിബിൻ, വി കെ മുജീബ്, സാജു ലൂയിസ്, എം എസ് ലെനിൻ എന്നിവർ സംസാരിച്ചു.