പ്ലസ് ടു കോഴക്കേസിൽ മുസ്ലിം ലീഗ് നേതാവും മുൻ എംഎൽഎയുമായ കെ എം ഷാജിയെ എൻഫോഴ്സ്മെന്റ് ഡയറക്ടറേറ്റ് (ഇഡി) ചോദ്യം ചെയ്തു. കോഴിക്കോട് എൻഫോഴ്സ്മെന്റ് ഓഫീസിൽ വച്ചാണ് ചോദ്യം ചെയ്യൽ നടന്നത്. കേസിൽ ഇത് രണ്ടാം തവണയാണ് കെ എം ഷാജിയെ ഇഡി ചോദ്യം ചെയ്യുന്നത്. കൂടുതൽ വിവരങ്ങൾ ശേഖരിക്കാൻ വേണ്ടിയാണ് ഷാജിയെ വിളിച്ചു വരുത്തിയതെന്ന് ഇഡി അധികൃതർ പറഞ്ഞു.
2014 ലെ യുഡിഎഫ് ഭരണകാലത്ത് കണ്ണൂര്‍ അഴീക്കോട് സ്കൂളിന് പ്ലസ്ടു കോഴ്സുകൾ അനുവദിച്ച് കിട്ടാൻ കെ എം ഷാജി എംഎൽഎ 25 ലക്ഷം രൂപ കോഴ വാങ്ങിയെന്നാണ് പരാതി. അനധികൃത സ്വത്ത് സമ്പാദന കേസിൽ വിജിലൻസ് സംഘം ഷാജിയെ നേരത്തെ ചോദ്യം ചെയ്തിരുന്നു. സ്കൂളിന്റെ വരവ് ചെലവ് കണക്കുകൾ വിജിലൻസ് നേരത്തെ പരിശോധിച്ചിരുന്നു. മറ്റ് ചെലവുകൾ എന്ന രീതിയിൽ രേഖപ്പെടുത്തിയ 25 ലക്ഷം രൂപ കോഴ നൽകിയ പണമാകാമെന്നാണ് വിജിലൻസിന്റെ കണ്ടെത്തൽ. ഷാജിയുടെ സ്വത്ത് വിവരങ്ങൾ സംബന്ധിച്ച് അന്വേഷണം തുടരുകയാണ്.
English Summary: Plus Two bribery case: KM Shaji questioned again by ED
You may like this video also
