ഉത്തർപ്രദേശിൽ അധ്യാപക ദിന ആഘോഷത്തിനിടെ പ്രായപൂർത്തിയാകാത്ത പെൺകുട്ടിയുടെ മുഖത്ത് കേക്ക് തേച്ച അധ്യാപകനെതിരെ പോക്സോ കേസ്. അധ്യാപകൻ അലോക് സക്സേന ( 57) കുട്ടിയുടെ സമ്മതമില്ലാതെ ബലമായി പിടിച്ചുനിർത്തി മുഖത്ത് കേക്ക് തേച്ചുവെന്നാണ് പരാതി.
സംഭവത്തിന്റെ വീഡിയോ ദൃശ്യങ്ങൾ സമൂഹമാധ്യമങ്ങളിൽ പ്രചരിച്ചിരുന്നു. അധ്യാപകൻ പെൺകുട്ടിയെ പിടിച്ച് വലിക്കുന്നതും കുട്ടി അയാളുടെ പിടിയിൽനിന്ന് മോചനത്തിന് ശ്രമിക്കുമ്പോൾ ബലമായി മുഖത്ത് കേക്ക് പുരട്ടുന്നതും വീഡിയോയിൽ വ്യക്തമായിരുന്നു. പെൺകുട്ടിയുടെ പിതാവിന്റെ പരാതിയിലാണ് കേസ്. അധ്യാപകനെ പൊലീസ് അറസ്റ്റ് ചെയ്തു.
സംഭവം കേസായതോടെ അധ്യാപകനെ പ്രൈമറി സ്കൂൾ അധികൃതർ ജോലിയിൽനിന്ന് പുറത്താക്കിയിരുന്നു. അധ്യാപകൻ നിലവിൽ ജയിലിലാണ് .
English Summary : pocso case against teacher for smearing cake on students face