കേരളത്തിലെ പൊതുമേഖലാ സ്കൂളുകളിലെ മുഴുവൻ ഹയർ സെക്കൻഡറി വിഭാഗത്തിലെ കുട്ടികൾക്കും പോക്സോ നിയമബോധവല്‍ക്കരണത്തിന് തുടക്കം കുറിച്ചു. ഇതിന്റെ ഭാഗമായി തലവടി ബിആർസിയിലെ ഹയർ സെക്കൻഡറി, വൊക്കേഷണൽ ഹയർ സെക്കൻഡറി സ്കൂളുകളിലെ അധ്യാപകർക്ക് ഏകദിന പരിശീലനം സംഘടിപ്പിച്ചു.
ജില്ലാ പഞ്ചായത്ത് വികസന ക്ഷേമകാര്യ സ്റ്റാന്റിംഗ് കമ്മിറ്റി ചെയർപേഴ്സൺ ബിനു ഐസക് രാജു ഉദ്ഘാടനം നിർവ്വഹിച്ചു. എടത്വ ഗ്രാമ പഞ്ചായത്ത് പ്രസിഡന്റ് ലിജി വർഗ്ഗീസ് അധ്യക്ഷത വഹിച്ചു. ബിപിസി ഗോപലാൽ, പ്രിൻസിപ്പാൾ മാത്യുക്കുട്ടി വർഗീസ്, ബിആർസി ട്രെയിനർ ഷിഹാബ് നൈന, കോ ഓർഡിനേറ്റർ മായാലക്ഷ്മി എന്നിവർ പ്രസംഗിച്ചു. ട്രെയിനർമാരായ ഷിഹാബ് നൈന, ശ്രീരഞ്ജിനി, ഷെറിൻ കെന്നഡി, നിയമ സേവന അതോറിറ്റി പ്രതിനിധി സുധീപ് എന്നിവർ ക്ലാസുകൾ നയിച്ചു.
English Summary: POCSO Law Awareness