മഹാരാജാസില്‍ പ്രവര്‍ത്തിപരിചയം ഉണ്ടെന്ന് അവകാശപ്പെട്ട് കെ വിദ്യ സമര്‍പ്പിച്ച ബയോഡേറ്റ പൊലീസ് കണ്ടെത്തി. അട്ടപ്പാടി കോളേജില്‍ സമര്‍പ്പിച്ച ബയോഡേറ്റയിലാണ് വിദ്യയുടെ അവകാശവാദം. തുടര്‍ന്ന് കേസില്‍ അധ്യാപകരുടെ രഹസ്യമൊഴി രേഖപ്പെടുത്താന്‍ അഗളി പൊലീസ് അപേക്ഷ നല്‍കി.
മഹാരാജാസില്‍ ഗസ്റ്റ് അധ്യാപികയായി പ്രവര്‍ത്തിപരിചയം ഉണ്ടെന്ന് അവകാശപ്പെട്ട ബയോഡേറ്റയാണ് വിദ്യ അട്ടപ്പാടി ഗവകോളേജില്‍ സമര്‍പ്പിച്ചിരുന്നത്. ജൂണ്‍ 2ന് സമര്‍പ്പിച്ച ബയോഡേറ്റയിലാണ് ഗസ്റ്റ് അധ്യാപികയായി 20 മാസത്തെ പ്രവര്‍ത്തിപരിചയമുണ്ടെന്ന അവകാശവാദം വിദ്യ രേഖപ്പെടുത്തിയിരിക്കുന്നത്.
ബയോഡേറ്റയില്‍ വിദ്യയുടെ ഒപ്പുമുണ്ട്. ഇതിന് പുറമെ മറ്റ് രണ്ട് കോളേജുകളിലായി 17 മാസത്തെ പ്രവര്‍ത്തി പരിചയവുമുണ്ടെന്നാണ് വിദ്യ രേഖപ്പെടുത്തിയിട്ടുള്ളത്. ഇത് സംബന്ധിച്ചും പൊലീസ് അന്വേഷണം നടത്തും.
English Summary: Police found Vidya’s resume submitted to Attappady College
You may also like this video
