ദക്ഷിണ കൊറിയൻ നടി കിം സെയ് റോണിനെ വീട്ടിൽ മരിച്ച നിലയിൽ കണ്ടെത്തി.24 വയസ് ആയിരുന്നു . കിമ്മിനെ കാണാനെത്തിയ സുഹൃത്താണ് വീട്ടിൽ മരിച്ചു കിടക്കുന്നത് കണ്ടത്. തുടർന്ന് പൊലീസിൽ വിവരമറിയിക്കുകയായിരുന്നു. മറ്റ് അസ്വാഭാവികതളൊന്നുമില്ലെന്നും ബലപ്രയോഗത്തിന്റെയോ ലക്ഷണങ്ങളില്ലെന്നും പൊലീസ് പറഞ്ഞു. മരണകാരണം അന്വേഷിക്കുകയാണെന്നും പൊലീസ് വ്യക്തമാക്കി.
ബാലതാരമായി സിനിമയിലെത്തിയ കിം ഏറെ ശ്രദ്ധിക്കപ്പെട്ട യുവനടിയാണ്. എ ബ്രാൻഡ് ന്യൂ ലൈഫ്, ദ മാൻ ഫ്രം നൗവെയർ, ദ നെയ്ബർ, എ ഗേൾ അറ്റ് മൈ ഡോർ, മിറർ ഓഫ് വിച്ച് എന്നിവ ശ്രദ്ധേയമായ ചിത്രങ്ങളും സീരീസുകളുമാണ്. 2022ൽ മദ്യപിച്ച് അശ്രദ്ധമായി വാഹനമോടിച്ചതിന് കിമ്മിനെതിരെ കേസ് എടുത്തിരുന്നു. ശേഷം പൊതുപരിപാടികളിൽ നിന്നും അഭിനയത്തിൽ നിന്നുമല്ലാം വിട്ടുനിൽ‌ക്കുകയായിരുന്നു.